بالفيديو… الرئيس السيسي يفاجئ الكاتدرائية بالحضور فى قداس عيد الميلاد المجيد ويلقى كلمة لتهنئة الأقباط بعيد الميلاد المجيد

قام الرئيس عبد الفتاح السيسي بزيارة مفاجأة للكاتدرائية المرقسية بالعباسية أثناء صلوات عيد الميلاد المجيد وذلك لتقديم التهنئة لقداسة البابا الأنبا تواضروس الثاني والشعب المسيحي بعيد الميلاد المجيد وألقى سيادة الرئيس كلمة جاء بها:….

أنا جاى علشان اقول لكم كل سنة وانتم طيبيين وارجو انى مكنش اقطعت عليكم

الصلوات بتاعتكم, أنا عايز اقول لكم على حاجة مصر على مدى سنين علمت الحضارة للعالم كله وعايز اقول لكم العالم دلوقتى بيتعلم من مصر برضه فى الظروف الى احنا فيها

مهم جدا ان الدنيا تبص للمصريين وانتم بتلاحظوا دايما ان انا مابقولش ابدا

غير كلمة المصريين وما ينفعش حد يقول لحد غير كدة احنا المصريين ومحدش يقول انت مصرى ايه؟

احنا بنتكلم كلام بيتصدر للعالم دلوقتى معنى ويفتح طاقة امل ونور حقيقية للناس وبقول ان مصر علمت الانسانية والحضارة للعالم كله والنهاردة احنا موجودين علشان ناكد ان احنا قادرين مرة تانية ان احنا نعلم الانسانية ونعلم الحضارة مرة تانية تنطلق من مصر هنا علشان كدة ماينفعش نقول غير احنا المصريين بس ايوة المصريين , انا بس عايز اقول لكم ان احنا ان شاء الله ها نبنى بلادنا مع بعض وهانسع بعض وها نحب بعض بجد علشان الناس تشوف… عموما انا عايز اقول لكم مرة تانية عام سعيد عليكم وعلى المصريين كلهم وكل سنة وانتم طيبيين جميعا كل سنة وانتم طيب يا قداسة البابا.